Asturnews
 
Buscador:  . 

SUATEA denuncia que la Conseyería d’Educación da un paso más na precarización del colectivu interín

Nuna nota de prensa asoleyada el llunes pela tardi, SUATEA denuncia que la Conseyería d’Educación da un paso más na precarización del colectivu interín y yera en forma dura con delles otres organizaciones sindicales: "Como temíemos dende SUATEA la Conseyería perpetró una performance esta mañana coles organizaciones sindicales qu’aceptaron entrar nel so xuegu. Baxo l’amenaza d’una resolución apocalíptica pal colectivu interín, volvió a presentar el cuartu borrador del alcuerdu con unes ruines modificaciones, les xustes pa que dellos, FETE y ANPE, tuvieren una mínima coartada pa roblar".

AsturFlash Siguenos en Twitter
Galicia y Euskadi ya tienen dominiu na Internet

Más de 25 años dempués de que s'establecieren los primeros dominios n'Internet el ICCAN, l'organismu encargáu de la asignación de les estensiones, empecipió un nuevu procesu d'axudicación de los llamaos nuevos dominios de nivel cimeru xenéricu, los gTLD (generic Top Level Domains) y esta selmana yá tán operativos los primeres d'ellos. Concretamente, no que cinca al casu español hai trés, ente los que destaquen los que van sirvir pa amosar la cultura gallega y la euskaldún na rede de redes.

Uviéu permitirá matriculase de Doctoráu a los llicenciaos

La Universidá d'Uviéu va dar accesu directu a los estudios de doctoráu a aquellos titulaos con planes d'estudiu que cunten con, siquier, 300 creitos ECTS. Esta midida, aprobada ayeri pola Comisión de Doctoráu, va dexar que los titulaos cimeros que remataron les sos carreres antes de la implantación del plan Bolonia puedan cursar un programa de doctoráu ensin tener que completar antes estudios de máster, un requisitu que la puesta en marcha del Espaciu Européu d'Educación Superior estableció como pasu imprescindible previu al doctoráu. Cola decisión, la d'Uviéu va asitiase nel ranking más baxu de desixencia curricular palos futuros doctores lo que podría ser una decisión estratéxica permala a llargu plazu, anque seya económicamente rentable a curtiu plazu.

Denuncien pornografía nel Aula Virtual pa neños nel estranxeru
El PSOE vieno acabante denunciar lo qu'atalante ye un permal funcionamientu de la Plataforma "Aula Internacional pa neños españoles nel esterior", onde denuncien l'apaición d'anuncios de conteníu pornográfico. Darréu d'ello encamienten al Gobiernu a tomar midíes pa garantizar que los menores d'ente 7 y 10 años, alumnos d'estes aules virtuales de llingua y cultura españoles, puean aportar a materiales afayadizos y calidables.
Villanueva dirixe la "Pidida" de Chéjov en L'Entregu

Esti sábadu 12 d'abril nel Teatru Municipal de Samartín del Rei Aurelio en L'Entregu a partir de les 20:00 hores el Grupu de Teatro Pausa va poner n'escena la obra "Una pidida bien singular". Tratase d'una versión llibre de «Pidida», d'Antón Chéjov, escrita y empobinada por Javier Villanueva con escenografía de Balbona. El repartu vien formáu por Balbona, Pía Alfaro, Pablo Díaz y Yasmina Álvarez.

Esti vienres presentase l'Anguleru nel Centru Niemeyer d'Avilés

Tres de la presentación del cuentu "La hestoria L’Anguleru", n'Avilés, ediciones Trabe vuelve a la Villa del Adelantráu con una de les aventures más risonderes y emocionantes d'esti entrañable personaxe asturianu. La cita ye esti vienres 11 d'abril a les 12 de la mañana na Llibrería del Centru Niemeyer, onde va preséntase'l cuentu L’Anguleru. Suaños de Navidá cola presencia d'Ana María Fueyo Llaneza, directora xeneral de Política Llingüísitica.

Ángela Vallina sollerta en Granada de los problemes que trai la reforma de les competencies municipales acabante d'entamar

L'alcaldesa de Castrilllón y candidata per Asturies d'IX al Parlamentu Européu sollertó güei en Granada de la perda de l'autonomía local que supon la reforma de l'Alministración local impulsada pol PP y que, aseguró, va en contra de la Carta Europea de l'Autonomía Local. La reforma, añedió ye una vía más p'afondar nel cambéu de modelu d'Estáu. Cola escusa de los retayos propuestos pola Unión Europea, el Gobiernu de Mariano Rajoy punxo en marcha, dixo, "una reforma fondamente ideolóxica" que resta autonomía municipal y que va provocar en munchos casos la desprotección de la ciudadanía"

La RPA estrena "Qué facer: Informativu d’ociu y tiempu llibre n’Asturies" esti xueves
La radio pública asturiana va empezar a emitir dende esti xueves, de 12:30 a 13:00 hores., un programa nuevu en llingua asturiana de nome "Qué facer: Informativu d’ociu y tiempu llibre n’Asturies". L’espaciu, que tien previstu tar n’antena nun principiu nesta temporada de primavera-branu, va desenvolvese en directo con unos conteníos rellacionaos colo que s’entiende como ociu en xeneral, asina va dase tola información necesaria pa enllenar el tiempu llibre de cara al fin de selmana. Nesti sen, nun van faltar referencies a fiestes, mercaos, conciertos, representaciones teatrales, xornaes gastronómiques, lliteraries... y too aquello "que faiga más prestosu un vienres, un sábadu o un domingu".
La XDLA califica de positivos los pasos alantre de RPA col usu del asturianu
La radio autonómica va retresmitir esti sábadu’l Compostela-Uviéu nel nuestru idioma y si hai díes la Xunta pola Defensa de la Llingua Asturiana (XDLA) calificaba d’un pasu alantre la puesta en marcha en RPA del primer informativu nel nuestru idioma na historia de la radio autonómica, güei la organización vuelve a felicitar a la emisora por otru pasín más: esti sábadu 5 d’abril, la radio pública va retresmitir el so primer partíu de fútbol n'asturianu. Va ser el Compostela-Real Uviéu, que se va emitir en directo a les 17:30 hores colos comentarios de Miguel Fernandi
Convocada la VI Sestaferia del profesoráu d'asturianu

Una de les actividaes formatives de mayor interés pal profesoráu d'asturianu xunto colos cursos de branu de l'Academia de la LLingua ye la Sestaferia del Profesoráu que dende hai seis convocatories entama la Conseyería d'Educación y que se empobina cada añu a conocer propuestes metodolóxiques que favorecen el trabayu de les competencies llingüístiques y que nesta edición que va celebrase'l 25 d'abril quier ufrir una visión xeneral de los recursos TIC que puen usase p'ameyorar les competencies llingüístiques, al tiempu que practicar con ferramientes TIC que puen aplicase nes clases de Llingua Asturiana y Gallego-asturianu.

Los asturianos de São Paulo celebren so tradicional Fabada

Cola presencia de mas de 150 invitaos, el Centru Asturianu de São Paulo y la Fundación Españoles nel Mundu/Brasil, celebraron esti pasáu domingu 30 de marzu la so tradicional Fabada Asturiana, que se realiza dende 1959. Una vegada más el local escoyíu foi'l Salón “Alvorada” de la Ilesia “São Carlos Baorromeu”, onde tuvieron presentes el Cónsul Xeneral d'España en São Paulo Sr. Ricardo Martínez Vázquez, la Canciller Sra. Norma Sánchez Arias, la xefe de la Sección d'Empléu y Seguridá Social Sra. Ana María Serrano Oltra, el Director del Institutu Cervantes Sr. Pedro Benítez, la presidente de la Sociedade Rosalía de Castro Sra. Carmen Bley, representantes de partíos políticos y empresarios españoles y brasileños.

L'alumnáu universitariu manifiéstase esti Xueves n'Uviéu

Les Asamblees d'Estudiantes y el Conseyu d'Estudiantes de la Universidá d'Uviéu entamen esti xueves de magar les 12:00 una manifestación con entamu na Plaza América d'Uviéu, con un llema qu'amuesa nidiamente la situación na que s'alcuentra la reivindicación estudiantil nesti momentu: "La gota qu'apinó'l vasu". L'envís de la mesma ye refugar los numberosos retayos que vien sufriendo la institución académica, y la correspondiente perda de servicios no cualitativo y cuantitativo.

Entregaronse los premios lliterarios de AHA
Esti domingu 30 de marzu a les 19:30 hores, nel CMI El Llano celebrose la entrega de los premios del concursu ¿Qué cuentes? organizáu pola asociación Abierto hasta el Amanecer, cola collaboración d'Iniciativa pol Asturianu y la revista Formientu, nel qu'Alejandra Sirvent (Pravia, 1980) foi la ganadora de la estaya d'asturianu del concursu lliterariu col rellatu "Solombres". La ganadora del premiu na estaya d'asturianu va ver vista la so obra asoleyada na revista Formientu, amás de recibir el domingu llibros y dellos otros regalos.
Nuevu cursu de llingua de la XPDLLA
La Xunta Pola Defensa de la Llingua Asturiana sigue apostando pola organización de cursos empobinaos al deprendizaxe de la llingua asturiana y tres del cursu entamáu selmanes atrás nel CS Sestaferia de Xixón, dirixíu al deprendizaxe de la llingua asturiana dende un nivel básicu, acaba empobinase a la convocatoria d'otru pa la enseñanza dende una perspeutiva avanzada. L'entamu del nuevu cursu ta previstu pal martes 8 d'abril, con una duración de 40 hores, desenvolviéndose los martes y xueves de 19 a 21 hores. El llugar escoyíu pa allugar el cursu ye'l Conceyu Abiertu, asitiáu na Cai La Gascona 12, baxu d'Uviéu.

El Tiempu

Uviéu

Xixón

Avilés

Política
Andecha Astur entruga nel Congresu
Sociedá
Fernadez-Kelly sostitúi a Vigón
Sociedá
La recuperación d'Arnao estúdiase en Granada
Política
La esmolición pola despoblación aporta a Europa
Mundu
El Sindicatu de Periodistes pide investigar agresiones
Política
Compromisu sofita a "Podemos"
Música
Cursu de Bandurria en Llaranes
Lliteratura
I Concursu de Videopoesía “República de la Poesía”
Política
Presentada la web d'Europa de los Ciudadanos
Gastronomía
La Cofradía d'Amigos de les Fabes fala de los retos de la producción y consumu
Sociedá
Alcuentru lliterariu con Berto García
Lliteratura
Recibiéronse yá 1000 poemes pal Premiu Internacional de Poesía Xovellanos
Política
Andecha va cola coallición LOS PUEBLOS DECIDEN
Política
Andecha renagura'l so llar de Xixón
Lliteratura
I Concursu de Videopoesía “República de la Poesía”
Cine
El PP balta la iniciativa d'IX pal cine
 

Ver Resultaos
 

Xuan Pandiella
Inútiles, ineptos ya incapaces
Varios comentarios.
Xuan Pandiella
Arrequexando al asturianu
Varios comentarios.
Inaciu Galán y González
El tíu Antonín
Varios comentarios.
Inaciu Galán y González
El meyor homenaxe a Nené Losada, la oficialidá del asturianu
Varios comentarios.


 
   
RSS Coloca los principales titulares d'Asturnews, gratis, na to web
más información ··>
Recibe les nueses propuestes
Toles cites culturales d'Asturies, gratis nel to corréu
dase d'alta··>
Recibe les nueses noticies
Toles noticies d'Asturies, gratis nel to corréu
dase d'alta··>
   


Crucigrama | Sopa de Lletres | Pallabres Revueltes | L'Aforcáu
 

   

20/02/2014
Presentación Manifiestu ´´Cinco puntos por unos medios públicos al serviciu d´Asturies´´
28/11/2013
Clausura Xornaes Lliteratura Infantil Samartín
07/11/2013
Xornaes 2013 (II)
06/11/2013
Xornaes 2013
10/10/2013
Xornaes AEAPA
02/09/2013
Día de la Reciella: Families pol asturianu
12/08/2013
Lorient 2013: la delegación asturiana se despiden del #interceltique
12/08/2013
Lorient 2013: La subprefectura de Lorient acoge al mundo celta
08/08/2013
Lorient 2013: Llan de Cubel en concierto
08/08/2013
Lorient 2013: Héctor Braga en concierto. Iglesia de Sant Louis
 
Otres Noticies
Mundu
Entrevista de la selmana
Sociedá
Educación
Música
Cine
Escéniques
Lliteratura
Conceyos
Plástiques
Política
Comunicación
Tecnoloxía
Fiestes
Mocedá
Hestoria
Cola ayuda de la Conseyería d´Educación, Cultura y Deporte del Principáu d´Asturies
© 2004 ASTURNEWS.com -
  |  Publicidá  |  Condiciones d'Usu  |  Información d'Empresa  |  Contacte con nós   |  RSS