Asturnews
 
Buscador:  . 

El Hobbit n'asturianu sedrá la novedá lliteraria d'esti 2014

Una versión en llingua asturiana que ta preparando Ediciones Terrier de la obra de J.R.R. Tolkien, EL Hobbit, coincidiendo cola presencia nos cines de la tercer parte de la saga cinematográfica d'esti llibru, va ser la novedá cimera de los llanzamientos que van entamar a producise en cuantes que se resuelvan les subenciones pala edición en llingua asturiana nesti entamu de la seronda. La edición n'asturianu de la obra de Tolkien tien como traductor a Miguel Gallego, cola revisión d'Andrés Fernández, y a Carlos Argüelles como responsable de les illustraciones que van facer compaña a esta nueva edición de la hestoria que precedió a El Señor de los Aniellos.

AsturFlash Siguenos en Twitter
Owncloud ya tien versión en llingua asturiana

Esti branu traxo pa con elli la presentación de la plataforma OwnCloud cola so primer versión habilitada en llingua asturiana, pa tolos poseedores de cuenta d'OPENMAILBOX.ORG. OwnCloud ye una aplicación llibre que permite l’almacenamientu seguru de ficheros na nube (neto que Dropbox) y otres aplicaciones en llinia. Con OwnCloud dispones d’un calendariu d’eventos, un xestor de noticies, un editor de testos en llinia, visor de documentos pdf, Galería d’imáxenes.. y puedes sincronizar toos estos ficheros en tolos equipos que tengas (windows, mac, Linux, smartphones y tabletes).

El SFA y el RIDEA homenaxearán al filólogu Manuel Menéndez

Al cumplise de recién el 50 cabudañu de la so muerte, el Seminariu de Filoloxía Asturiana (SFA) de la Universidá d'Uviéu y el Real Institutu d’Estudios Asturianos (RIDEA) van celebrar a fines del próximu mes d’ochobre dos xornaes d’estudiu dedicaes a la figura del filólogu Manuel Menéndez García (1909-1962), autor de la perconocida monografía "El Cuarto de los Valles. Un habla del occidente asturiano". L'Homenaxe va completase cola edición d'un volume onde se recueyen importantes materiales inéditos de la so obra investigadora.

L'AMPA del IES de Sotrondiu denuncia mengua de profesoráu
La mengua horaria del profesoráu impidirá a alumnos y alumnes de bachilleratu cursar asturianu nesti centru sotrondianu, sigún cieno acabante de denunciar l'Asociación de Pás y Más del IES J.J. Calvo Miguel de Sotrondiu. Esti retayu ye de más de la mitá del horariu, y dende l'AMPA nun entienden que se prive d'estudiar asturianu a un alumnáu que lleva cursándolu dende Primaria, polo que consideren necesario caltener la ufierta de l'asginatura en toles etapes educatives
SUATEA llama la movilización nel empiezu de la secundaria

El sindicatu docente tamién diz que "queden nel aire dellos aspeutos como la prestación por desempléu, la realización de los exames de setiembre o la puntuación por puestos de mal desempeñu. Ello sumao a que por causa de la tardía axudicación que se dio esti cursu, llegaron a los centros col repartu horariu zarráu perxudicando los derechos de munchos"

IX entama procesu pa consensuar una nueva Llei Educativa
L'Área Federal d'Educación d'IX vieno acabante esta fin de selmana de poner en marcha un procesu constituyente pa impulsar la construcción ciudadana d'un modelu educativu alternativu y llargamente compartíu. El Plenu Federal de l'Área d'Educación d'IX, integráu por responsables d'Educación de toles Federaciones d'Izquierda Xunida, axuntóse'l sábadu 13 de setiembre en Madrid, p'aldericar y aprobar el documentu qu'IX va presentar a la comunidá educativa como base pa la construcción participativa d'una nueva Llei d'Educación.
L'Aula de les Metáfores de Grao cumple 10 años

Nesti mes de setiembre cúmplense diez años del Aula de les Metáfores, de la que ye director el profesor Leopoldo Sánchez Torre, miembru del Seminariu de Filoloxía Asturiana. Esti aula de les Metáfores ye una biblioteca poética que tien sé na Casa la Cultura de Grau y que nació nel 2004 gracies a les donaciones bibliográfiques del poeta Fernando Beltrán. Un añu tres d'otru crez coles aportaciones particulares y colectives y con motivu del décimu aniversariu, l'Aula edita una Memoria d'Actividaes que pue consultase na so páxina web. L'Aula de les Metáfores de Grao inició les sos actividaes el martes 29 de marzu de 2005 cola presencia del poeta asturianu Antonio Gamoneda y del fundador d'esti espaciu destináu a la difusión de la poesía, el tamién asturianu Fernando Beltrán

"Desire Street" algama'l Premiu del IX Festival de Cine Asturianu
La película Desire Street (Cai del Deséu), dirixida pol asturianu Roberto F. Canutu y el cineasta d'orixe chinu Xu Xiaoxi, estrenase n'España nel marcu del IX Festival de Cine Asturianu en Xixón. Rodáu en California, el llargumetraxe alzose col premiu a la Meyor Película na gala del Festival celebrada nel Atenéu de Madrid el pasáu xunu.
Filtren el nuevu borrador del Real Decretu d'acreditación del profesoráu universitariu de Wert
Esti llunes día 15 de setiembre taba previsto que se volvieran aconceyar los rectores de les universidaes españoles col Ministru d'Educación pa siguir desendolcando la reforma del sistema d'evaluación y acreditación del profesoráu. Y la Universidá de Huelva filtraba nes sos páxines web el borrador del Real Decretu pol que se modifica l'anterior RD 1312/2007 pa l'acreditación del profesoráu titular y de Cátedra. Como ya s'adelantare, el nuevu formatu ye cualitativu en llugar de cuantitativu y abre munches dubies sobre'l procesu. Asturnews ufre'l borrador completu del decretu.
Arranca la matrícula la Universidá Popular en Xixón

El día 16 de setiembre abrese'l plazu pa matriculase nos cursos y talleres de la Universidá Popular correspondientes a la segunda ufierta del añu 2014 que se presentaben esti día en Xixón cola participación de Carlos Rubiera, Conceyal de Cultura, Educación, Mocedá y Festexos, y Liliana Fernández-Peña Vega, Xefa del Departamentu d'Universidá Popular. A partir del próximu 8 d'ochobre van dar empiezu los cursos incluyíos na nueva programación de la Universidá popular pa esta seronda-iviernu.

Vrienden gana'l concursu de bandes del IX Folkez Blai

La formación folk-fusión que representare esti añu a Asturiesn nel Festival Intercélticu de Lorient va tocar el próximu añu nel Getxo Folk y nel Folkez Blai tres vencer nel concursu de grupos del festival folk de Ermua, sigún se conociere esti día. De les seis bandes escoyíes, la formación asturiana de folk-fusión-alternativu contaxó a públicu y xuráu nesta novena edición del Folkez Blai, un de los eventos folk más importantes del País Vascu que se celebra añalmente n'Ermua (Bizkaia).

El Comercio sedrá'l Queseru Mayor d'Asturies 2014
Esti próximu 18 de Xineru entegaráse en La Foz de Morcín dempués d'él Pregón del XXXV Certame del Quesu d´Afuega´l Pitu, el nomamientu de Queseru Mayor d'Asturies 2014 al diariu xixonés El Comercio, al qu'escoyó'l xuráu del Premiu pol sofitu que dende'l suplementu "Yantar" vieno dando nestos caberos años al sector agroalimentariu asturianu.
Arrancaron los actos del X Aniversariu de la Wikipedia astur

Esti vienres día 12 arrancó la celebración del décimu aniversariu de la comunidá d'usuarios de Wikipedia n'Asturianu que se desenvuelve, en collaboración con Wikimedia España, a lo llarfo de dos díes nel Auditoriu Príncipe Felipe (Plaza La Gesta, Uviéu) con una programación que cunta con una montonera d'actividaes. La primer xornada d'esti vienres 12 entamó a les 17:30 h y tres un pequeñu repás d'estos diez años acoyía una charra d'introducción al funcionamientu de Wikipedia, a la que siguía un taller pa deprender a editar na so versión n'asturianu.

La Mesa sectorial d'Universidaes aplaza pa ochobre'l nuevu sistema d'acreditación pal profesoráu universitariu
Na tercer xunta de la Mesa Sectorial d'Universidaes, celebrada esti xueves 11 de setiembre de 2014, na see del Ministeriu d'Educación apautose aplazar hasta ochobre'l discutiniu sobre los nuevos criterios d'acreditación del profesoráu a la vista de les enmiendes propuestes polos sindicatos y la CRUE. La revisión del Proyectu de Real Decretu de acreditación, coles pequeñes ya insignificantes enmiendes propuestes polos sindicatos y aceptaos pol Ministeriu foi la principal tema de la xunta, magar se trataren tamién cuestiones como'l concursu de tresllaos del PDI Funcionariu.

El Tiempu

Uviéu

Xixón

Avilés

Educación
L'ANECA y la CNEAI fusionense
Comunicación
Gonzali Producciones y el doblaxe
Política
Podemos Avilés entama organizase
Educación
Fuelga educativa pa Ochobre
Política
El PAS celebra en Xixón el Día d'Asturies
Política
IX lleva al plenu'l refeerendum republicanu
Política
Andecha pide la dimisión de Varela
Sociedá
Asamblea ciudadana pro Referéndum
Política
Un 8 Setiembre soberanista
Educación
Curso de Llingua y Cultura nel Navia-Eo
Política
IX pide reaccionar escontra RENFE
Gastronomía
La Sidra pon na cai nuevu númberu
Escéniques
Premios Aurora Sánchez de Teatru Costumista
Sociedá
Valdés ya tien toponimia oficial
Sociedá
L'Azabache protagonista en Llanes
Política
Aprobáu'l dictame de la Comisión del Niemeyer
 

Ver Resultaos
 

Xuan Pandiella
Inútiles, ineptos ya incapaces
Varios comentarios.
Xuan Pandiella
Arrequexando al asturianu
Varios comentarios.
Inaciu Galán y González
El tíu Antonín
Varios comentarios.
Inaciu Galán y González
El meyor homenaxe a Nené Losada, la oficialidá del asturianu
Varios comentarios.


 
   
RSS Coloca los principales titulares d'Asturnews, gratis, na to web
más información ··>
Recibe les nueses propuestes
Toles cites culturales d'Asturies, gratis nel to corréu
dase d'alta··>
Recibe les nueses noticies
Toles noticies d'Asturies, gratis nel to corréu
dase d'alta··>
   


Crucigrama | Sopa de Lletres | Pallabres Revueltes | L'Aforcáu
 

   

11/12/2014
Esposición sobre la toponimia de Samartín del Rei Aurelio
08/08/2014
Dixebra actuando nel Festival de Lorient 2014
07/08/2014
La Banda de Gaites Camín de Fierro enllena l’Espace Marine del Festival de Lorient de sones asturianos
04/08/2014
La Grande Parade de 2014 en Lorient
03/08/2014
McCrimmon 2014
18/07/2014
Esposición colectiva: "La sutil decadencia" nel Centru municipal d'arte y esposiciones d'Avilés (CMAE)
20/02/2014
Presentación Manifiestu ´´Cinco puntos por unos medios públicos al serviciu d´Asturies´´
28/11/2013
Clausura Xornaes Lliteratura Infantil Samartín
07/11/2013
Xornaes 2013 (II)
06/11/2013
Xornaes 2013
 
Otres Noticies
Mundu
Entrevista de la selmana
Sociedá
Educación
Música
Cine
Escéniques
Lliteratura
Conceyos
Plástiques
Política
Comunicación
Tecnoloxía
Fiestes
Mocedá
Hestoria
Cola ayuda de la Conseyería d´Educación, Cultura y Deporte del Principáu d´Asturies
© 2004 ASTURNEWS.com -
  |  Publicidá  |  Condiciones d'Usu  |  Información d'Empresa  |  Contacte con nós   |  RSS