Asturnews
 

25/11/2011
Faceira celebra un filandón n’alcordanza de Caitanu A. Bardón
 

Redacción

L'asociación Cultural Faceira, en collaboración col Conceyu de Carrizu de La Ribera (Lleón), celebra esti sábadu, 26 de payares a partir de les 18:00 hores en Carrizu la “II Bardoniana. Filandón de música tradicional llionesa n'alcordanza de Caitanu A. Bardón”, dedicada a la música tradicional lleonesa. Nella van intervenir músicos ya investigadores de la tradición oral lleonesa.

Nel actu va cuntase cola participación del músicu y luthier Fran Alegre Pozuelo, el dúo de folk lleonés Tarna, que va interpretar temes nueves del so repertoriu, y el grupu de folk l.lacianiegu Tsuniegu.

Coles mesmes, va tener llugar una llectura de poemes en lleonés coordinada pol poeta Abel Aparicio, con audiovisuales del compositor zamoranu de música coral Rubén García, y una mesa redonda sobre la música tradicional lleonesa moderada pol folclorista David A. Cárcamo.

La II Bardoniana va concluyir con un filandón y amagüestu con preba de baldre de castañes asaes, entamaos pol escritor y cuentacuentos Manuel Ferrero, y que va tar amenizado polos músicos participantes nel eventu.

L’espaciu escoyíu ye la Casa de Cultura de Carrizu de la Ribera, asitiada na cai Doctor González Álvarez, e/n.


Compártilu

 
Otres Noticies
Mundu
Entrevista de la selmana
Sociedá
Educación
Música
Cine
Escéniques
Lliteratura
Conceyos
Plástiques
Política
Comunicación
Tecnoloxía
Fiestes
Mocedá
Hestoria
Cola ayuda de la Conseyería d´Educación, Cultura y Deporte del Principáu d´Asturies
© 2004 ASTURNEWS.com -
  |  Publicidá  |  Condiciones d'Usu  |  Información d'Empresa  |  Contacte con nós   |  RSS