Etiqueta del Vinu Curiosu 07

Embaxo la firma Solares & Sampedro, una de les empreses que formen Enoarte Grupo, va salir al mercáu “Un Vinu Curiosu 07” el experimentum, un vinu xoven, del que la producción, dicen los responsables “más que llimitada ye escasa”. Un vinu pal que s’esbillaron viñeos ente’l mediterráneu y los molinos de La Mancha.

Nesti casu, Serxu Solares, nun quixo facer un vinu d’élite, tres la esperiencia con “Gotes 2005”, que tien escosada la producción, sinón “un vinu pa tolos públicos”.

Un Vinu Curiosu 07 “El Experimentum” ta conformáu por variedaes d’uva nestes proporciones: 35% Bobal, 30% Cabernet Sauvignón, 30% Tempranillo, 5% Garnacha Tintorera y cola fermentación en pipa de cementu. El gráu alcohólicu ye del 13’5%.