| L'afayu va camudar la hestoria de la lliteratura asturiana
Redacción
|
Portada del llibru de 1875 | Conocíase la esistencia de la novela “El viaxe del tíu Pacho el Sordu a Uviedo”, pero nunca nun fuere atopáu nengún exemplar. Agora y dempués de 133 años va volver a tar nes manes de los llectores asturianos el que ye’l primer volume de narrativa espublizáu n’asturianu. El descubridor foi’l llocotur José Antonio Anca, qu’atopó la obra va delles meses nuna casona de Llanes.
La obra ta agora y hasta que se presente publicamente nos actos de Llanes al cubo, nel depósitu municipal del conceyu.
El descubridor comentó como’l llibru apaeció dientro d’un tratáu d’hestoria del sieglu XIX, nel palaciu del Cuetu, propiedá de la familia Sánchez Ezquerra. El llocutor, que tamién recuperó películes como “Llanes, 1917” hasta que lo consultó col hestoriador y etnógrafu Ramón Sordo Sotres.
L’1 de payares va presentase esta obra que se fizo na imprenta d’Eduardo Uría y que tien 24 páxines escrites n’asturianu central, anque con dellos rasgos orientales.
Según Antón García, que ultima les obres completes de l’autora, el valor del afayu ye “estraordinariu”. García destacó’l valor literariu de la obra. Aseguró qu’Enriqueta González Rubín yera una “mui bona escritora”, que, amás, foi la primer persona en publicar llibros de prosa n’asturianu. «Foi una muyer adelantada a la so época, moderna. Qu’una muyer, que foi madre soltera amás, escribiera nel sieglu XIX y encima lo ficiera n’asturianu ye doblemente raro”.
El nome de l’autora llévalu dende va dellos años el premiu de periodismu n’asturianu qu’otorga la Conseyería de Cultura d’Asturies. Amás, l’Academia de la Llingua Asturiana espublizara va años parte de la so obra conocida.
|
